ავტორიზაცია
გადაწყვეტილია! მადრიდის რეალი ახალ მთავარ მწვრთნელს დღეს დაადასტურებს
ერთბაშად ყველა ავტორიტეტული გამოცემა ერთიდაიგივეს ამტკიცებს.
მადრიდის „რეალი“ მთავარ მწვრთნელად კარლო ანჩელოტის დანიშვნას დღეს დაადასტურებს - სწორედ ამას ამბობენ ავტორიტეტული გამოცემები და ჟურნალისტები.
იტალიელ სპეციალისტს „ევერტონთან“ კონტრაქტი 2024 წლამდე აკავშირებდა, თუმცა მადრიდის „რეალის“ ზარის შემდეგ, მან გუნდს გაშვება სთხოვა და ლივერპულური გუნდი მისი შემცვლელის სწრაფ ძიებას შეუდგა.
ანჩელოტი „რეალის“ მწვრთნელი სამწვრთნელო კარიერაში უკვე მეორედ გახდება - მან გუნდი 2013 წელს ჩაიბარა და ორი სეზონით მოახერხა გაჩერება - პირველ სეზონში გუნდს ჩემპიონთა ლიგა და კოპა დელ რეი მოაგებინა, მეორეში კი ფლორენტინო პერესმა უტიტულო სეზონი აღარ აპატია.
„ევერტონამდე“ ანჩელოტი „ნაპოლიში“ მუშაობდა, იქამდე კი მიუნხენის „ბაიერნში“.
