საშინელება ინგლისის ნაკრებისთვის - ევრომდე 8 დღით ადრე, ტრენტ ალექსანდრ-არნოლდმა ტრავმა მიიღო
ევროპის ჩემპიონატის დაწყებამდე 8 დღით ადრე, ამხანაგურ მატჩში ინგლისს მნიშვნელოვანი ფეხბურთელი გამოაკლდა.
ავსტრიასთან მატჩში დაზიანება „სამი ლომის“ მარჯვენა მცველმა, ტრენტ ალექსანდრ-არნოლდმა ტრავმა მიიღო და მოედნის დატოვება მოუწია.
ჯერჯერობით, მისი ტრავმის სიმძიმე ცნობილი არ არის, მაგრამ ფეხბურთელი განერვიულებული ჩანდა და მოედნიდან გასვლაში დახმარებაც კი დასჭირდა.
არნოლდის ევროპაზე წაყვანა/არწაყვანის საკითხი ბოლო დღეებში ძალიან აქტუალური იყო - თავიდან დაიწერა, რომ „ლივერპულის“ განაპირა მცველი გარეთ საუთგეიტის განაცხადში ვერ მოხვდებოდა, თუმცა ეს ინფორმაცია მალევე იქნა უარყოფილი და შემდეგ, თავად მწვრთნელმაც სისულელე და ჭორი უწოდა.
საბოლოოდ, ტრენტი ინგლისის ნაკრების განაცხადში მოხვდა, მაგრამ შესაძლოა, ევროპის ჩემპიონატზე მაინც ვერ ითამაშოს - ყველაფერს გამოკვლევა აჩვენებს.
შეგახსენებთ, რომ ინგლისმა ავსტრიას ამხანაგურ მატჩი 1:0, ბუკაიო საკას გოლით მოუგო.
