"თვალებში მიყურებდა და მატყუებდა, ჩემთვის ეს ადამიანი აღარ არსებობს", - ჩეფერინი
უეფას პრეზიდენტმა, ალექსანდრ ჩეფერინმა, „იუვენტუსის“ პრეზიდენტი, ანდრეა ანიელი გააკრიტიკა.
როგორც ცნობილია, ანიელი უეფასთან ერთად ჩემპიონთა ლიგის ახალ ფორმატზე მუშაობდა, თუმცა ორგანიზაციას ზურგი აქცია და ფლორენტინო პერესთან ერთად, სუპერლიგის ერთ-ერთ შემქმნელად მოგვევლინა.
„მეგონა, რომ მეგობრები ვიყავით, ის კი თვალებში მიყურებდა და მატყუებდა. დამარწმუნა, რომ სანერვიულო არაფერი იყო.
ვეჭვობდი თუ არა რაიმეს? ღოცა ადამიანი ოფისში შემოდის და იმეორებს: „არა, არა, ეს ყველაფერი სისულელეა“, რთულია მას არ დაუჯერო.
პირადად ჩემთვის, ეს ადამიანი აღარ არსებობს.“ - აღნიშნა ჩეფერინმა.
შეგახსენებთ, რომ სუპერლიგის პროექტი დასაწყისშივე ჩაიშალა - ამჟამად, მის ერთგულებას მხოლოდ სამი კლუბი აცხადებს - „ბარსელონა“, „რეალი“ და „იუვენტუსი“.
უეფას პრეზიდენტი: "სუპერლიგის შემქმნელებს ვკითხე: "როგორ ვერ მიხვდით, რომ ნეხვში ჩააბიჯეთ?"