არგენტინის ნაკრებმა კოპა ამერიკაზე მონაწილეობა დაადასტურა

არგენტინის ნაკრების პრესსამსახურმა ეროვნული გუნდის 2021 წლის კოპა ამერიკაზე მონაწილეობა დაადასტურა.

„არგენტინის ნაკრები 2021 წლის კოპა ამერიკაზე მონაწილეობას ადასტურებს, რაც ჩვენ სპორტულ სულისკვეთებას კიდევ ერთხელ უსვამს ხაზს.

არგენტინის ფეხბურთის ასოციაციის დიდი შრომის შედეგად, რომელმაც ჩვენი ნაკრების თითოეული წევრი ყველა საჭირო ნივთით უზრუნველყო, ბრაზილიაში მივემგზავრებით, რათა კონტინენტურ ტურნირზე მივიღოთ მონაწილეობა.

ჩვენი ნაკრების თანამშრომლები შეთანხმებით იმოქმედებენ, რათა ყველა სირთულე გადაიარონ, რომელიც, სამწუხაროდ, ყველა სამხრეთამერიკელს ეხება.“ - ნათქვამია პრესსამსახურის განცხადებაში.

როგორც ცნობილია, ბრაზილიის ნაკრები კოპა ამერიკაში მონაწილეობაზე უარს ამბობს და მიზეზად ქვეყანაში არსებულ რთულ ეპიდვითარებას ასახელებს.

შეგახსენებთ, რომ თავდაპირველი ვარაუდით, ტურნირი კოლუმბიასა და არგენტინაში უნდა ჩატარებულიყო, რომელთაც ეს უფლება კორონავირუსის ცუდი ვითარების გამო ჩამოერთვათ და ბრაზილიას გადაეცა.
 

კოპა ამერიკა ჩაშლის პირასაა — ბრაზილიის ნაკრები ტურნირში მონაწილეობაზე უარს აცხადებს!