მორიგი ასაკოვანი ფეხბურთელი რადარზე - მანჩესტერ სიტის კაპიტანი ბარსელონაში?

"მანჩესტერ სიტის" კაპიტანი, ფერნანდინიო "ბარსელონას" ინტერესთა სფეროში მოექცა, იტყობინება გავლენიანი ესპანური გამოცემა MARCA.

36 წლის ფეხბურთელს "ქალაქელებთან" კონტრაქტის ვადა ამ ზაფხულს ეწურება და ხელშეკრულება ჯერ არ გაუხანგრძლივებია.

პეპ გვარდიოლას სამწვრთნელო შტაბისთვის 36 წლის ბრაზილიელი საჭირო ფიგურაა და მისი შენარჩუნება სურს. ფერნანდინიო "სიტის" კაპიტანი ერთი წლის წინ გახდა, დავიდ სილვას წასვლის შემდეგ.

2020/21 წლების სეზონში გამოცდილმა სამხრეთამერიკელმა "ქალაქელთა" 36 მატჩი ჩაატარა, ერთი გოლი გაიტანა და ორი შედეგიანი პასი გააკეთა.

მოგეხსენებათ, "ბარსამ" აქამდე "მანჩესტერ სიტიდან" თავისუფალი აგენტის სტატუსით თავდამსხმელი, სერხიო აგუერო დაიმატა, რომელსაც 2 ივნისს 33 წელიწადი შეუსრულდა.

თუ ვეინალდუმი არა, აბა ვინ?! 3 თავისუფალი აგენტი, რომელსაც ბარსელონამ შესაძლოა ყურადღება მიაქციოს