ავტორიზაცია

რობერტო კარლოსი: "რონალდუ მსოფლიოში ნომერ პირველია, 3 ფეხბურთელთან ერთად"

რობერტო კარლოსი: "რონალდუ მსოფლიოში ნომერ პირველია, 3 ფეხბურთელთან ერთად"
თარიღი 07 ივნ 2021, 23:35

"რეალის" ყოფილმა მცველმა, რობერტო კარლოსმა "იუვენტუსის" თავდამსხმელ კრიშტიანუ რონალდუს მომავალზე ისაუბრა.

"რონალდუმ "რეალისთვის" ბევრი გააკეთა, მაგრამ ვიცი, "იუვენტუსში" თავს კარგად გრძნობს. დიდებული ფეხბურთელია, მსოფლიოში ნომერ პირველი - მესისთან, ნეიმართან და მბაპესთან ერთად".

"მოდით ვნახოთ, რა მოხდება. ვფიქრობ, რონალდუმ სწორედ ახლა უნდა გააკეთოს არჩევანი, თუ რისი გაკეთება სურს სამომავლოდ", - ციტირებს ბრაზილიელის სიტყვებს Corriere dello Sport.

36 წლის პორტუგალიელ სუპერვარსკვლავს "იუვესთან" მოქმედი ხელშეკრულების ვადა 2022 წლის ზაფხულში ეწურება. სერია ა-ში იგი 2018 წელს "რეალიდან" გადაბარგდა.

გასულ სეზონში "ბიანკონერის" მაისურით პორტუგალიელი იტალიის ჩემპიონატის ბომბარდირი გახდა, 33 მატჩში გატანილი 29 გოლით.

ცნობისთვის, იტალიურ კლუბთან ერთად რონალდუმ იტალიის ჩემპიონატი (2-ჯერ), თასი და სუპერთასი (2-ჯერ) მოიგო.

ცნობილია, თუ როდის მიიღებს რონალდუ საკუთარ მომავალზე საბოლოო გადაწყვეტილებას