დეპაის სარფიანი წინადადებით 3 გრანდი დაუკავშირდა, მაგრამ სასურველი კლუბი უკვე შერჩეული ჰყავს
"ლიონის" თავდამსხმელი, მემფის დეპაი, რომელსაც კონტრაქტის ვადა ამ ზაფხულს ეწურება, ევროპულ გრანდებს შორის დიდი მოთხოვნით სარგებლობს.
როგორც გავლენიანი ესპანური გამოცემა Mundo Deportivo იტყობინება, ჰოლანდიელმა სამი კლუბისგან სარფიანი წინადადებები მიიღო - საუბარია "პსჟ"-ზე, "იუვენტუსსა" და "ინტერზე".
მიუხედავად ამისა, როგორც აღინიშნება, თავად 27 წლის ფეხბურთელს "ბარსელონაში" სურს გადასვლა და კატალონიელებთან მოლაპარაკებები უკვე გამართა.
თავის მხრივ, "ლურჯ-ბროწეულისფრებმა" პირობები გააუმჯობესეს, რათა ჟორჟინიო ვეინალდუმთან დაკავშირებული სიტუაციის გამეორება თავიდან აიცილონ, რომელიც კლუბში გადასვლასთან ახლოს იყო, თუმცა, საბოლოო ჯამში, არჩევანი "პსჟ"-ს სასარგებლოდ გააკეთა.
გავრცელებული ინფორმაციით, მემფისს "ბარსა" 2024 წლამდე გათვლილ კონტრაქტს სთავაზობს.
იწერება, რომ კატალონიურ გრანდში დეპაის წლიური ანაზღაურება 5 მილიონი ევრო იქნება + ბონუსები.
ვეინალდუმის გადაწყვეტილებამ ბარსა შეაშინა - კატალონიელებმა დეპაის ახალი წინადადებით მიმართეს
