ავტორიზაცია

ვეინალდუმის პირველი განცხადება პარი სენ ჟერმენში გადასვლის შემდეგ

ვეინალდუმის პირველი განცხადება პარი სენ ჟერმენში გადასვლის შემდეგ
თარიღი: 11 ივნ 2021, 00:04

"პსჟ"-ს ახალწვეულმა, ჟორჟინიო ვეინალდუმმა პარიზულ კლუბში გადასვლაზე განცხადება გააკეთა.

"ლიგა 1-ში თამაშისთვის მზად ვარ. ჩემპიონატი აქამდეც შემიცვლია, როცა ერედივიზიონიდან პრემიერ ლიგაში გადავედი, ყველაფერმა ბრწყინვალედ ჩაიარა".

"ახალი გამოწვევებისთვის მზად ვარ, საფრანგეთის ჩემპიონატისა და ჩემპიონთა ლიგის მატჩებში "პსჟ"-ს მაისურით მოედანზე გასვლას ველოდები", - ციტირებს ვეინალდუმის სიტყვებს პარიზელთა პრესსამსახური.

დღეს, 10 ივნისს, "პსჟ"-მ "ლივერპულიდან" 30 წლის ჰოლანდიელის დამატება დაადასტურა. მან 3-წლიანი კონტრაქტი გააფორმა და ახალ გუნდში 2024 წლის 30 ივნისამდე დარჩება.

2020/21 წლების სეზონში ვეინალდუმმა მერსისაიდელთა რიგებში 35 მატჩი ჩაატარა და 3 გოლი გაიტანა.

ოფიციალურად: ბარსელონა თამაშგარეშია - ვეინალდუმი კარიერას პსჟ-ში გააგრძელებს!