"ევროპაში ყველაზე მეტ მომენტს ვქმნი", - მბაპემ აღიარა, რა რჩევა მისცა პოჩეტინომ იმისთვის, რომ უფრო მეტი გოლი გაიტანოს

„პსჟ-ს“ და საფრანგეთის შემტევმა, კილიან მბაპემ, მაურისიო პოჩეტინოსთან მუშაობის დეტალებზე ისაუბრა.

„პოჩეტინოსთან ერთად უდიდესი სამუშაო შევასრულეთ. ახალ სტილთან მომიწია ადაპტირება, კართან შენელების სწავლა მომიწია, რათა სიტუაცია უკეთ ვაკონტროლო.

ვარჯიშებზე გამოვყავით ზონა, რომლიდანაც კარში დარტყმა არ შემიძლია, რადგან მეკარესთან ზედმეტად მიახლოვების გამო, კუთხე ძალიან მახვილდება. ამას თავისი შედეგები მოაქვს.

არ ვამბობ, რომ უეცრად შეჩერება ვისწავლე. ამის შესახებ არავისთვის არ მითხოვია. უბრალოდ, საკუთარი ტემპის უკეთ მართვა ვისწავლე. სისწრაფის შენელება უკეთ დამიზნები საშუალებას მაძლევს იქამდე, სანამ კარში დავარტყამ.

ალბათ, ის ფეხბურთელი ვარ, რომელიც ევროპაში ყველაზე მეტ საგოლე მომენტს ქმნის. თუმცა, ჯერ არ ვარ ის, ვისაც ყველაზე მეტი გოლი გააქვს. პოჩეტინომ მითხრა, რომ თუ ამ მომენტებსაც გამოვიყენებ, სეზონს 60-ზე მეტი გოლით დავასრულებ.“ - ციტირებს მბაპეს სიტყვებს France Football.
 

"ამ ეტაპზე, მბაპესთვის მხოლოდ ორი გუნდი იბრძვის", - ფაბრიციო რომანო