ავტორიზაცია
"ისტორიაში ერთ-ერთი საუკეთესო ფეხბურთელია", - პორტუგალიასთან მატჩის წინ, რონალდუ ლორისმაც შეაქო
საფრანგეთის ნაკრების მეკარემ, უგო ლორისმა ევროპის ჩემპიონატის ჯგუფური ეტაპის მე-3 ტურში პორტუგალიასთან გასამართ მატჩზე ისაუბრა.
"დავალებად მოგებას ვისახავთ. ტურნირის ახალი სტადიის წინ, ეს დამაჯერებლობას შეგვმატებს. პორტუგალიასთან მატჩი რთული გამოცდაა. მეტოქე ფლეი ოფში ჯერ არ გასულა. ჯგუფში რაც შეიძლება მაღალი ადგილის დაკავებას ვეცდებით".
"ერთა ლიგაზე პორტუგალიასთან გამართულ ორ მატჩში კარი მშრალად შევინახეთ. თუმცა, კრიშტიანუ რონალდუს წარდგენა არ სჭირდება. მთელ ისტორიაში ერთ-ერთი საუკეთესო ფეხბურთელია. ყველაფერს გააკეთებს იმისათვის, რათა მისი ნაკრები ფლეი ოფში გავიდეს", - ციტირებს ლორისის სიტყვებს უეფას პრესსამსახური.
პორტუგალია - საფრანგეთი ხვალ, 23 ივნისს, ბუდაპეშტში, სტადიონ "პუშკაშ არენაზე" გაიმართება.
