მორიგი მრისხანე მეტოქე - ვის შეხვდება შვეიცარიის ნაკრები ევრო 2020-ის მეოთხედფინალში?
შვეიცარიის ნაკრებმა 2020 წლის ევროპის ჩემპიონატის 1/8 ფინალში საფრანგეთი პენალტების სერიაში 5:4 დაამარცხა (ძირითადი დრო - 3:3).
ასე და ამგვარად, ვლადიმირ პეტკოვიჩის შეგირდები მეოთხედფინალში გავიდნენ, მსოფლიოს მოქმედი ჩემპიონები კი ტურნირს გამოეთიშნენ.
1/4 ფინალში შვეიცარია ესპანეთის ნაკრებს შეხვდება, რომელმაც თავის მხრივ ხორვატიას დამატებით დროში 5:3 მოუგო.
ცნობისთვის, მეოთხედფინალური დაპირისპირება 2 ივლისს, სანქტ-პეტერბურგში გაიმართება და თბილისის დროით 23:00 საათზე აიღებს სტარტს.