"ხვალ ახალი მოგზაურობა იწყება", - პელემ მბაპეს მიმართა
ლეგენდარულმა ბრაზილიელმა ფეხბურთელმა, პელემ, შვეიცარიასთან გაცუდებული პენალტეის შემდეგ, კილიან მბაპეს მიმართა.
ბრაზილიელმა ახალგაზრდა ფრანგს სოციალური ქსელის მეშვეობით მხარდაჭერა გამოუთქვა.
„თავი მაღლა დაიჭირე, კილიან! ხვალ, ახალი მოგზაურობის პირველი დღე გელის.“ - წერს პელე „ტვიტერში“.
შეგახსენებთ, რომ 1/8-ფინალური მატჩი სტადიონ „ნაციონალზე“, რუმინეთის ქალაქ ბუქარესტში გაიმართა. ძირითადი დრო ფრედ, 3:3 დასრულდა, პენალტებში კი შვეიცარიამ 5:4 იმარჯვა.
ფრანგების მხრიდან გადამწყვეტი პენალტი კილიან მბაპემ გააცუდა.