ავტორიზაცია
პსჟ-დან სპარტაკის დუბლებში - ქუთათელაძემ ამხანაგურ მატჩში ორი გოლი გაიტანა
მოსკოვის "სპარტაკის" ახალგაზრდულმა გუნდმა ამხანაგურ შეხვედრაში დაამარცხა თანატოლები "ხიმკიდან", ანგარიშით 2:1.
აღსანიშნავია, რომ "თეთრ-წითლების" მხრიდან ორივე გოლი გაიტანა ნიკოლოზ ქუთათელაძემ, თანაც ორ წუთში (42-44 წთ.).
როგორც ვიცით, ქართველი თავდამსხმელი სხვადასხვა დროს ირიცხებოდა "პარი სენ-ჟერმენის", "ლილისა" და პრაღის "სპარტას" აკადემიებში.
"პსჟ"-ს ახალგაზრდული გუნდის ყოფილი ფორვარდის პირველი პროფესიული კლუბი იყო მახაჭკალის "ანჟი", 2019 წლიდან კი ის "სახალხო გუნდის" წევრი გახდა.
ცნობისთვის, 20-წლის შემტევს სამი მატჩი საქართველოს 17-წლამდელთა ეროვნული ნაკრების შემადგენლობაშიც აქვს ჩატარებული.
რაც შეეხება პარიზს, "სპარტაკის" მე-13 ნომერი საფრანგეთის დედაქალაქის მთავარი კლუბის აკადემიაში 2017-2018 წლებში ირიცხებოდა.
