რას წერს პორტოს ოფიციალური ვებ-გვერდი აბუაშვილის ტრანსფერზე?
თბილისის "დინამოდან" "პორტოში" გადასულ გიორგი აბუაშვილს პორტუგალიური კლუბის ოფიციალურმა ვებ-გვერდმა სიახლე მიუძღვნა.
"აბუაშვილი 47-ნომრით ითამაშებს პორტოს სარეზერვო გუნდში, ივარჯიშებს მთავარ გუნდთან ერთად, ადგილის დამკვიდრების შანსით".
ქართველმა შემტევმა თავადაც გააკეთა კომენტარი - "პორტოში გადასვლა - ახდენილი ოცნებაა. მოუთმენლად ველი მთავარ გუნდში თამაშს".
"დრაკონების" ახალწვეული ვინგერის კონტრაქტი გათვლილია 2026 წლამდე და მისი ტრანსფერი კლუბს 240 ათასი ევრო დაუჯდა.
შეგახსენებთ, რომ 18-წლის გარემარბი "დინამოს" მთავარ გუნდში გამოჩნდა მიმდინარე სეზონში და მან ექვსი შეხვედრის ჩატარება მოასწრო.
აბუაშვილს აგრეთვე ჩატარებული აქვს 13 მატჩი საქართველოს ეროვნული ნაკრების 17-წლამდელთა ახალგაზრდულ გუნდში.