[VIDEO] "მაგ ვიდეოს გაგთხრი ტ**კში, შე ნა****რო" - ნეფჩისთან მატჩის შემდეგ დაპირისპირება მოხდა
![[VIDEO] "მაგ ვიდეოს გაგთხრი ტ**კში, შე ნა****რო" - ნეფჩისთან მატჩის შემდეგ დაპირისპირება მოხდა](http://storage.goal.ge/uploads/posts/5fPK50sz9Nxbk5XQzGwvN2G0aPKzUUr6.jpg)
ჩემპიონთა ლიგის პირველ საკვალიფიკაციო ეტაპზე ნეფჩისთან(1-2) მარცხის შემდეგ დინამოს გულშემატკივრებსა და გუნდის ხელმძღვანელებს შორის დაპირისპირება მოხდა.
ყველაფერი რამდენმე თვის წინ დაიწყო, როცა დინამოს მატჩებზე გაჩნდა ფან-დაჯგუფება, რომელიც დედაქალაქურ გუნდს უჭერდა მხარს, თუმცა ერთი საინტერესო ბანერის თანხლებით. ისინი გუნდში რომან ფიფიას პრეზიდენტობის წინააღმდეგნი იყვნენ.
ამ ყველაფერს ის ნაბიჯი მოყვა, რომ დინამო არენას დაცვის წევრები გულშემატკივრებს აღნიშნული ბანერის ჩამოხსნას სთხოვდნენ, საბოლოოდ შედეგს მიაღწიეს, თუმცა ქომაგთა აღნიშნული ნაწილი გასვლით თამაშებზე დინამო თბილისს ამ ბანერის თანხლებით უჭერდა მხარს.
ბაქოს ნეფჩისთან მატჩის დროს გულშემატკივართა აღნიშნული დაჯგუფება კვლავ მოვიდა სტადიონზე და დინამოს მხარს უჭერდნენ, პერიოდულად კი მათი მხრიდან შეძახილები ისმოდა: "დინამო ფიფიას გარეშე".
შეხვედრის დასრულების შემდეგ ამ ყველაფერს მწვავე დაპირისპირება მოჰყვა. გუნდების ავტობუსის შესასვლელ კართან ფანებმა დაიწყეს ხმამაღალი პროტესტი და კვლავ სკანდირება: "დინამო ფიფიას გარეშე", ამ ყველაფერმა კი გუნდის ხელმძღვანელობის გარემომცველთა გაღიზიანება გამოიწვია და ერთ-ერთი მათგანი მიმართავს ქომაგს, რომელიც ამავდროულად ვიდეოს იღებს: "მაგ ვიდეოს გაგთხრი ტ**კში, შე ნა****რო, ჩამოდი ქვემოთ!"
ბაქოს ნეფჩისა და თბილისის დინამოს განმეორებითი მატჩი მომდევნო კვირას, 14 ივლისს გაიმართება.
