საბოლოოდ როგორ დასრულდა ევრო 2020-ს ბომბარდირთა დავა?
ევროპის ჩემპიონატის საუკეთესო ბომბარდირის ვინაობა ცნობილია.
ტურნირის საუკეთესო მეგოლე პორტუგალიის ნაკრების ლიდერი და კაპიტანი, კრიშტიანუ რონალდუ გახდა, რომელმაც ყველა თავისი გოლი ჯერ კიდევ ჯგუფურ ეტაპზე გაიტანა.
„იუვენტუსის“ შემტევი საუკეთესო ბომბარდირი 5 გოლითა და 1 ასისტით გახდა, მისი უახლოესი მდევარი კი ჩეხი პატრიკ შიკი აღმოჩნდა, რომელმაც ასევე 5 გოლი გაიტანა, მაგრამ საგოლე გადაცემა არ შეუსრულებია.
რონალდუ ევროპის ჩემპიონატს მერვედფინალში გამოეთიშა, როცა ბელგიასთან მინიმალური ანგარიშით 1:0 დამარცხდა, თავისი გოლები მან უნგრეთის (2), გერმანიის (1) და საფრანგეთის (2) კარში შეაგდო.
ერთადერთი ასისტი რონალდუმ გერმანიასთან 2:4 წაგებულ შეხვედრაში მიითვალა.
1. კრიშტიანუ რონალდუ (პორტუგალი) – 5 გოლი, 1 ასისტი
2. პატრიკ შიკი (ჩეხეთი) – 5 გოლი
3. კარიმ ბენზემა (საფრანგეთი) – 4 გოლი
3. ჰარი კეინი (ინგლისი) – 4 გოლი
3. ემილ ფორსბერგი (შვედეთი) – 4 გოლი
3. რომელუ ლუკაკუ (ბელგია) – 4 გოლი.
