ატლეტიკოში ფიქრობენ, რომ გრიზმანი - საულის გაცვლა საბოლოოდ არ ჩაშლილა
"ატლეტიკო" ნახევარმცველ საუნ ნიგესის "ბარსელონას" ფორვარდ ანტუან გრიზმანში პოტენციურ გაცვლასთან დაკავშირებით არსებულ სიტუაციას კვლავ აკვირდება, იტყობინება ცნობილი ესპანური გამოცემა El Mundo Deportivo.
მადრიდელთა აზრით, გარიგება საბოლოოდ ჯერ არ ჩაშლილა. მადრიდულ კლუბში ფიქრობენ, რომ "ბლაუგრანა" უახლოეს კვირებში ამ საკითხს მიუბრუნდება, საჭიროებების გათვალისწინებით.
კატალონიურმა გრანდმა 30 წლის ფრანგი უნდა გაყიდოს, რათა სახელფასო ხარჯები შეამციროს, ლიონელ მესისთან კონტრაქტი გაახანგრძლივოს და ახალი ფეხბურთელების დამატების შესაძლებლობა ჰქონდეს.
ამ სიტუაციაში "ატლეტიკო" მიიჩნევს, რომ მომგებიან პოზიციაშია და ესმის, დრო მის მხარეს არის. "როხიბლანკო" გრიზმანის თაობაზე მოლაპარაკებების დაჩქარებას არ აპირებს: თუ ეს ვარიანტი აბსოლუტურად შეუძლებელი გახდება, კლუბი სხვა ფორვარდის ტრანსფერზე დაიწყებს მუშაობას.
