ჩელსი აზარის დაბრუნების შესაძლებლობას განიხილავს
მადრიდის „რეალის“ თავდამსხმელი ედენ აზარი შესაძლოა „ჩელსიში“ დაბრუნდეს.
AS-ის ინფორმაციით, ლონდონურ კლუბში ბელგიელის დაბრუნების იდეას განიხილავენ.
იწერება, რომ თავად აზარს „ჩელსის“ რამდენიმე წამყვან ფეხბურთელთან დღემდე კარგი ურთიერთობა აქვს და დაბრუნების წინააღმდეგი თავადაც არ იქნებოდა.
„რეალი“ მზადაა, ფეხბურთელს დაახლოებით 60 მილიონ ევროდ შეელიოს, რაც მისი ბოლო 2 სეზონიდან და ტრავმატულობიდან გამომდინარე, რთული გადასახდელია, სწორედ ეს ართულებს აზარის დაბრუნებას „სტემფორდ ბრიჯზე“.
შეგახსენებთ, რომ ჩემპიონთა ლიგის ნახევარფინალში „ჩელსისთან“ დამარცხების შემდეგ, აზარი სკანდალში გაეხვა, როცა მოედანზე თავისი ყოფილი გუნდის ფეხბურთელებთან ერთად ხუმრობდა და იცინოდა.
შეგახსენებთ, რომ ბელგიელი შემტევი „სტემფორ ბრიჯიდან“ „სანტიაგო ბერნაბეუზე“ 2019 წელს, 100 მილიონ ევროდ გადავიდა, თუმცა სხვადასხვა ბონუსების გათვალისწინებით ეს თანხა შესაძლოა 160-მდეც კი გაიზარდოს.
