ავტორიზაცია
"სხვასაც რომ ჰკითხოთ, იგივეს იტყვის", - ვეინალდუმმა დაასახელა ნახევარმცველი, რომლის ხილვაც პსჟ-ში სურს
„პსჟ-ს“ ახალწვეულმა ჯორჯინიო ვეინალდუმმა „მან.იუნაიტედის“ ნახევარმცველზე, პოლ პოგბაზე ისაუბრა.
„პოგბა შესანიშნავია. მის წინააღმდეგ რამდენჯერმე ვთამაშე და ის დიდებული ფეხბურთელია. ყველა კლუბი ისურვებდა მის გადაბირებას.
თუ ნებისმიერ ფეხბურთელს ჰკითხავთ, ისიც გეტყვით, რომ პოგბას გუნდში ხილვას ისურვებდა. პოლს ყველაფერი აქვს, ის მსოფლიოს ერთ-ერთი საუკეთესო ნახევარმცველია.
ვისურვებდი, რომ ის ჩვენთან გადმოსულიყო.“ - ციტირებს ვეინალდუმის სიტყვებს RMC SPORT.
პოგბას „პსჟ-ში“ ამ ზაფხულს გადასვლა არარეალური სულაც არ არის - ფრანგს მომავალ ზაფხულს „მანჩესტერ იუნაიტედთან“ კონტრაქტი ეწურება და ინგლისელები მის გაყიდვაზე ფიქრობენ, რათა გაისად უფასოდ არ დაკარგონ.
ჯერჯერობით, პოლს კონტრაქტის გახანგრძლივების სურვილი არ გამოუთქვამს.
