ავტორიზაცია
ფერდინანდი მანჩესტერ იუნაიტედში ვარანის ტრანსფერს მოკლე კომენტარით გამოეხმაურა
"მანჩესტერ იუნაიტედის" ყოფილმა მცველმა, რიო ფერდინანდმა გუნდში "რეალის" მცველის, რაფაელ ვარანის გადასვლაზე კომენტარი გააკეთა.
მოგეხსენებათ, მანიკუნიანელთა რიგებში 28 წლის ფრანგი უკანახაზელის ტრანსფერი მალე ოფიციალურად დაიხურება.
"საქმეში ვართ! მიყვარს ეს ბიჭი", - წერს ფერდინანდი სოციალურ ქსელში.
ცნობისთვის, ვარანი "რეალის" ღირსებას 2011 წლის ზაფხულიდან იცავს. 2020/21 წლების სეზონში მან მადრიდული გრანდის მაისურით 41 მატჩი ჩაატარა და ორი გოლი გაიტანა.
Transfermarkt-ის ვერსიით, "სამეფო კლუბის" ცენტრალური მცველის სატრანსფერო ღირებულება 70 მილიონ ევროს შეადგენს.
