ვარანის ტრანსფერი დახურულია, მაგრამ სავარაუდოდ, მანჩესტერი მას ამ კვირაში ვერ დაადასტურებს - ცნობილია მიზეზიც
რაფაელ ვარანის ტრანსფერი მადრიდის „რეალიდან“ „მანჩესტერ იუნაიტედში“ - დახურულია.
29 წლის ფრანგი ცენტრალური მცველის „ოლდ ტრაფორდზე“ გადაბარგება კითხვის ქვეშ არ იწვევს - კლუბებმა საბოლოო შეთანხმებას მიაღწიეს და ამ ტრანსფერში რეალი დაახლოებით 50 მილიონ ევროს და ბონუსებს მიიღებს.
მიუხედავად იმისა, რომ ჯერ კიდევ სამშაბათი და ანუ, კვირის დასაწყისია, ნაკლებად სავარაუდოა, რომ „მანჩესტერ იუნაიტედმა“ ეს ტრანსფერი ოფიციალურად ამ კვირაში დაადასტუროს. რასაც, თავისი მიზეზი აქვს.
საქმე ისაა, რომ ვარანი ინგლისში ხვალ ან ზეგ გაემგზავრება, სადაც სამედიცინო შემოწმებას გაივლის და 4-წლიან კონტრაქტს ხელს მოაწერს.
თუმცა, ეს ვერ მოხერხდება იქამდე, სანამ ესპანეთიდან ინგლისში ჩასული ფრანგი მცველი 5-დღიან კარანტინს არ მოიხდის.
სწორედ საკარანტინო ვალდებულების შესრულების შემდეგ მოაგვარებს ვარანი უკანასკნელ დეტალებს და „მანჩესტერს“ ტრანსფერის დადასტურების საშუალებასაც მისცემს.
