ინტერმა ლაუტაროს თაობაზე პირველი შემოთავაზება კატეგორიულად უარყო - ვინ ეპატიჟებოდა არგენტინელს?

მილანის „ინტერის“ თავდამსხმელის, ლაუტარო მარტინესის ტრანსფერი სხვა გუნდში ამ ზაფხულს ნაკლებად სავარაუდო ამბავია.

ჟურნალისტ ნიკოლო სკირას ინფორმაციით, „ნერაძური“ ფეხბურთელის გაყიდვას არ აპირებს.

„ინტერი არგენტინელს არ გაყიდის, მიუხედავად იმისა, რომ მის აგენტს ახალ კონტრაქტზე ვერ უთანხმდება, მოქმედი კი 2023 წელს ეწურება.

ფორვარდის შეძენა მადრიდის „ალტეტიკოს“ სურს“, მაგრამ პირველი შემოთავაზება, რომელიც 40 მილიონსა და 10-მილიონიან ბონუსებს შეადგენდა, „ნერაძურიმ“ უარით გაისტუმრა.

„ინტერი“ ლაუტაროს სანაცვლოდ 80-90 მილიონ ევროს ითხოვს.“ - წერს იტალიელი ჟურნალისტი.

მარტინესი „ინტერში“ 2018 წელს 25 მილიონ ევროდ გადავიდა, გასულ სეზონში მან 47 მატჩში 18 გოლი და 10 საგოლე გადაცემა მიითვალა.~

ინტერი ბელერინის ტრანსფერზე ლაუტაროს გაყიდვის გარეშე იმუშავებს