17-წლიანი ეპოქის დასასრული: როგორი სტატისტიკით ტოვებს ბარსელონას ლეო მესი?
17-წლიანი ისტორია სრულდება.
„ბარსელონამ“ ოფიციალურად დაადასტურა, რომ ლეო მესი კონტრაქტს არ გაახანგრძლივებს და გუნდს თავისუფალი აგენტის სტატუსით დატოვებს.
არგენტინელი ფეხბურთელი ლა ლიგას ყველა დროის საუკეთესო ფეხბურთელის რანგში ტოვებს.
„ბარსელონას“ მაისურით ლეომ ჯამში 778 მატჩი ჩაატარა, რომლებშიც 672 გოლი და 305 საგოლე გადაცემა მიითვალა.
უშუალოდ ლა ლიგაში მესის 520 მატჩი დაუგროვდა და მან 474 გოლისა და 217 საგოლე გადაცემა მოაგროვა, რაც ორივე შემთხვევაში ყველა დროის საუკეთესო შედეგია.
ჩემპიონთა ლიგაზე ლეოს სტატისტიკა ასეთია: 149 მატჩიმ 120 გოლი, 42 საგოლე გადაცემა.
კოპა დელ რეიზე: 80 მატჩი, 56 გოლი, 36 საგოლე გადაცემა.
რაც შეეხება ტიტულებს, ლეომ 34 თასის მოგება მოახერხა, მათ შორის: 10 ლა ლიგა, 4 ჩემპიონთა ლიგა, 7 ესპანეთის თასი, 8 ესპანეთის სუპერთასი, 3 ევროპის სუპერთასი, 3 მსოფლიო საკლუბო ჩემპიონატი.
