მესი ახალი კლუბის ძიებას უკვე შეუდგა — სად გააგრძელებს კარიერას არგენტინელი?
მოგეხსენებათ, ოფიციალურად დადასტურდა, რომ "ბარსელონას" თავდამსხმელი, ლიონელ მესი ესპანურ გუნდთან ახალ კონტრაქტს არ გააფორმებს.
როგორც გავლენიანი გამოცემა Goal.com იტყობინება, 34 წლის არგენტინელი სუპერვარსკვლავი სხვა კლუბების წინადადებების განხილვისთვის მზად არის.
კატალონიური გრანდის ხელმძღვანელობა მესის ახალ ხელშეკრულებაზე ესპანეთის ჩემპიონატში არსებული ფინანსური წესების გამო ვერ შეუთანხმდა.
ფრანგულ პრესაში გავრცელებული ინფორმაციით, ლეოსთვის ბრძოლაში მთავარი ფავორიტი უკვე გამოკვეთილია და ეს გუნდი "პარი სენ ჟერმენია".
"ბარსას" რიგებში მესის ანგარიშზე 34 ტიტულია, ესპანეთის ჩემპიონატი მან 10-ჯერ მოიგო, ხოლო ჩემპიონთა ლიგა 4-ჯერ.
სამხრეთამერიკელ სუპერვარსკვლავს "ბლაუგრანას" დატოვება ჯერ კიდევ გასულ წელს უნდოდა. მაშინ მისით "მანჩესტერ სიტი" და "პსჟ" ინტერესდებოდნენ, თუმცა კატალონიელებმა მისი შენარჩუნება მოახერხეს.
