შეთანხმება ახლოსაა - რომელუ ლუკაკუ სტემფორდ ბრიჯზე ბრუნდება
„ჩელსი“ და „ინტერი“ შეთანხმებასთან ახლოს არიან.
ჟურნალისტ ფაბრიციო რომანოს ინფორმაციით, „ნერაძურის“ ბელგიელი ფორვარდი კარიერას ლონდონის „ჩელსიში“ გააგრძელებს.
კლუბები შეთანხმებასთან ახლოს არიან - დიდი ალბათობით, „ინტერი“ ლუკაკუს სანაცვლოდ 115 მლნ ევროს მიიღებს. ამ ეტაპზე, მოლაპარაკებების პროცესში „ჩელსის“ რომელიმე ფეხბურთელის ჩართვა არ განიხილება.
პერსონალური კონტრაქტი პრობლემას არ წარმოადგენს - ლუკაკუს „ჩელსისთან“ ყველაფერი შეთანხმებული აქვს და უდიდესი ალბათობით, ის წლიური ხელფასის სახით 12 მილიონ ევროს მიიღებს.
ცნობისთვის, „ინტერმა“ „ჩელსის“ პირველი შემოთავაზება, რომელიც 100-მილიონიანი იყო, უარით გაისტუმრა, რადგან ფეხბურთელის შენარჩუნებას აპირებდა.
სეზონის დასრულების შემდეგ ლუკაკუმაც არაერთხელ აღნიშნა, რომ „ინტერში“ აპირებს დარჩენას, თუმცა „ჩელსის“ მიზანდასახულობით მოიხიბლა და „სტემფორდ ბრიჯზე“ დაბრუნებას დათანხმდა.
