ავტორიზაცია
მესი ცალი ფეხით პარიზშია — მბაპეს წასვლის ალბათობა იზრდება, რეალი აქტიურდება
"ბარსელონამ" 5 აგვისტოს დაადასტურა, რომ კლუბი თავდამსხმელ ლიონელ მესის ახალ კონტრაქტს არ გაუფორმებს.
ბოლო ცნობებით, 34 წლის არგენტინელი სუპერვარსკვლავი "პსჟ"-ში გადასვლასთან არის ახლოს, იტყობინება ავტორიტეტული ესპანური გამოცემა Marca.
როგორც კი მესიმ "პსჟ"-სთან დაიწყო მოლაპარაკებები, შესაძლო პრობლემებზე იუწყებიან. თავიდან გავრცელდა ინფორმაცია, რომ კილიან მბაპე პარიზის დატოვებას აპირებს, თუ კლუბი ლეოს შეუთანხმდება.
ახლა კი, როგორც იწერება, მოვლენების ასეთი განვითარებით შეიძლება მადრიდის "რეალმა" ისარგებლოს, რომელმაც ფრანგის გადაბირება უკვე არაერთხელ სცადა.
მიუხედავად ამისა, "პარი სენ ჟერმენის" ხელმძღვანელობა საფრანგეთის ნაკრების თავდამსხმელთან კომპრომისის მიღწევას ცდილობს.
