ინტერს 70 მილიონი ევრო შესთავაზეს — ლაუტარო კარიერას პრემიერ ლიგაში გააგრძელებს?
მილანის "ინტერის" არგენტინელი თავდამსხმელის, ლაუტარო მარტინესის მომავალი კვლავ გაურკვეველია.
როგორც გავლენიანი ჟურნალისტი, ფაბრიციო რომანო იტყობინება, "ტოტენჰემმა" 23 წლის ფორვარდის ტრანსფერზე მოლაპარაკებები რამდენიმე დღის წინ დაიწყო და "ნერაძურის" 70 მილიონი ევრო შესთავაზა.
ლაუტარო "დეზების" სამიზნეა, თუმცა "ინტერი" აცხადებს, რომ ამ ზაფხულს მისი გაყიდვა არ უნდა.
თავის მხრივ, სხვა იტალიელი ჟურნალისტი, ნიკოლო სკირა იტყობინება - "ნერაძურის" წარმომადგენლების თქმით, მარტინესი არ იყიდება. საბოლოო გადაწყვეტილებას მილანელთა მფლობელები მიიღებენ - ფეხბურთელი შეიძლება გაასხვისონ, თუ 90-მილიონიან შეთავაზებას მიიღებენ.
2020/21 წლების სეზონში მარტინესმა ყველა ტურნირზე ერთად 47 მატჩი ჩაატარა, 18 გოლი გაიტანა და 10 შედეგიანი გადაცემაც ჩაიწერა საკუთარ აქტივში.
ინტერმა ლაუტაროს თაობაზე პირველი შემოთავაზება კატეგორიულად უარყო - ვინ ეპატიჟებოდა არგენტინელს?
