წარმოუდგენელი ციფრები — მესის რამდენი მაისური გაყიდა პსჟ-მ სულ რაღაც 1 საათში?
"პსჟ"-მ თავდამსხმელ ლიონელ მესის ტრანსფერის დადასტურების შემდეგ ოფიციალურ საიტზე არგენტინელის მაისურების გაყიდვა დაიწყო.
გავრცელებული ინფორმაციით, სულ რაღაც ერთ საათში არგენტინელი სუპერვარსკვლავის 250 ათასი მაისური გაიყიდა.
მოგეხსენებათ, "პსჟ"-მ 34 წლის სამხრეთამერიკელს 2-წლიანი კონტრაქტი გაუფორმა, თანამშრომლობის კიდევ ერთი სეზონით გახანგრძლივების შესაძლებლობით. მისი წლიური ანაზღაურება 35 მილიონი ევრ იქნება, ბონუსების ჩათვლით.
აღსანიშნავია, რომ პარიზული კლუბის რიგებში მესი 30-ნომრიანი მაისურით იასპარეზებს.
ლეო 2004 წლიდან "ბარსელონაში" ირიცხებოდა. მხარეებმა ახალ კონტრაქტზე შეთანხმებას მიაღწიეს, თუმცა მისი გაფორმება ლა ლიგაში არსებული ფინანსური წესების გამო ვერ მოახერხეს.
"ბარსას" რიგებში მესიმ ესპანეთის ჩემპიონატი 10-ჯერ, ჩემპიონთა ლიგა კი 4-ჯერ მოიგო. აგრეთვე, იგი "ოქროს ბურთის" 6-გზის მფლობელია.
