ავტორიზაცია
VIDEO: პარკ დე პრენსზე კილიან მბაპეს სახელისა და გვარის გამოცხადებას პსჟ-ს გულშემატკივრები სტვენით შეხვდნენ
ახალი სეზონის დაწყების წინ, "პარკ დე პრენსზე" "პარი სენ ჟერმენის" ყველა ფეხბურთელის სახელი და გვარი გამოაცხადეს.
აღსანიშნავია, რომ პარიზელთა ერთ-ერთი ლიდერის, კილიან მბაპეს სახელისა და გვარის გამოცხადებას გულშემატკივრები სტვენით შეხვდნენ.
ყველაფერი ცხადია - პარიზული კლუბის ფანები უკმაყოფილონი არიან იმით, რომ 22 წლის სუპერვარსკვლავი ახალი კონტრაქტის გაფორმებაზე უარს აცხადებს.
აქამდე გავრცელებული ინფორმაციით, მბაპეს "პსჟ"-ს რიგების დატოვება ამ ზაფხულსვე სურს და კარიერის გაგრძელება მადრიდის "რეალში" უნდა.
თავის მხრივ, მადრიდული გრანდი ფრანგი შემტევის ტრანსფერზე ოფიციალურ შეთავაზებას ამზადებს და "პსჟ"-ს უახლოეს პერიოდში მიმართავს.
