"რონალდუ თუ მესი? შემიძლია ყოველ კვირას გავიმეორო, თუ ვინ არის საუკეთესო", - კინი
"მანჩესტერ იუნაიტედის" ყოფილმა კაპიტანმა, როი კინმა, კრიშტიანუ რონალდუსა და ლიონელ მესის შორის საუკეთესო დაასახელა. გარი ნევილმა ირლანდიელს აგრეთვე კიდევ რამდენიმე შედარების გაკეთება თხოვა.
"რონალდუ თუ მესი? შემიძლია ყოველ კვირას გავიმეორო, თუ ვინ არის საუკეთესო. ვირჩევ პორტუგალიელ თავდამსხმელს და ჩემს არჩევანს ეჭვქვეშ არასდროს დავაყენებ.
მე თუ ვიეირა? ჩემს თავს ავირჩევ. ფერდინანდი თუ შენ, გარი? შენ აგირჩევ, რადგან მანჩესტერში უფრო დიდხანს თამაშობდი", - განაცხადა "წითელი ეშმაკების" ექს-საყრდენმა ნახევარმცველმა.
შეგახსენებთ, რომ ტურინის "იუვენტუსის" ამჟამინდელი ლიდერი და კელტი ჩამშლელი "მანკუნიანელებში" თანაგუნდელები 2003-2005 წლებში იყვნენ. აქვე დავამატებთ, სერ ალექს ფერგიუსონის გუნდში თამაშის პერიოდში, ლეგენდარულმა 7-იანმა 292 მატჩში 118 გოლი გაიტანა.
