ინტერესს არაერთი კლუბი იჩენს — ბარსელონა კლუბის ერთ-ერთ მთავარ აღმოჩენას მიზერულ თანხად ყიდის

მიმდინარე სატრანსფერო ფანჯარაზე "ბარსელონას" ახალგაზრდა ნახევარმცველი, ილაიშ მორიბა კლუბს შეიცვლის.

როგორც ცნობილი ესპანური გამოცემა Sport.es იტყობინება, კატალონიური გრანდი 18 წლის ფეხბურთელში 15 მილიონ ევროს ითხოვს.

მოგეხსენებათ, აქამდე, მორიბამ "ლურჯ-ბროწეულისფრებთან" ახალი კონტრაქტის გაფორმება იუარა, მიზეზი ფინანსური მხარეა.

თავის მხრივ, "ბლაუგრანამ" გუნდის ერთ-ერთი მთავარი ამომავალი ვარსკვლავი პირველი გუნდიდანაც მოკვეთეს და სარეზერვოდანაც.

გავრცელებული ინფორმაციით, მორიბას ხელში ჩაგდება "ლაიფციგსა" და რამდენიმე ესპანურ კლუბს სურს.

გასულ სეზონში ახალგაზრდა ფეხბურთელმა ლა ლიგის 14 შეხვედრაში მიიღო მონაწილეობა და კარგი თამაშის გარდა, თავი ერთი გატანილი ბურთით გამოიჩინა.

ბარსელონამ უკიდურეს ზომებს მიმართა — მორიბა პირველი და სარეზერვო გუნდიდანაც მოკვეთეს