MARCA-მ დაასახელა ფეხბურთელი, რომელმაც მესის გამო ბარსელონაში 10-ნომრიანი მაისურის მორგება იუარა
"ბარსელონას" ახალწვეულმა, სერხიო აგუერომ 10 ნომრის აღებაზე უარი განაცხადა, რომლითაც კატალონიურ გრანდში წლების მანძილზე თავდამსხმელი, ლიონელ მესი ასპარეზობდა, იტყობინება Marca.
მოგეხსენებათ, დღეს დადასტურდა, რომ 33 წლის არგენტინელი ფორვარდი "ლურჯ-ბროწეულისფერთა" ღირსებას 19-ნომრიანი მაისურით დაიცავს.
აგუერო "ბარსას" ივლისის თვეში შუერთდა. სერხიო "ბლაუგრანაში" თავისუფალი აგენტის სტატუსით "მანჩესტერ სიტიდან" გადავიდა.
როგორც აქამდე გახდა ცნობილი, გამოცდილი ფორვარდი 2021/22 წლების სეზონის სტარტს ტრავმის გამო გამოტოვებს. სამედიცინო შემოწმების გავლის შემდეგ, მას ტერფის სერიოზული დაზიანება დაუდგინდა.
ცნობისთვის, მესი "ბარსელონას" პირველ გუნდში 2004 წლიდან ირიცხებოდა. კატალონიელებთან ლეოს კონტრაქტი ივნისის ბოლოს ამოეწურა. "ბარსამ" 5 აგვისტოს დაადასტურა, რომ გუნდის კაპიტანთან ლა ლიგის ფინანსური წესის გამო ახალ ხელშეკრულებას ვერ გააფორმებდა. ლეო 10 აგვისტოს "პსჟ"-ს ფეხბურთელი გახდა.
