ან გაახანგრძლივე ან წადი — ბარსელონამ კლუბის ერთ-ერთ მთავარ აღმოჩენას ულტიმატუმი წაუყენა

"ბარსელონას" ნახევარმცველ ილაიშ მორიბასთან კონტრაქტის გახანგრძლივება უნდა, მაგრამ ახალგაზრდა ფეხბურთელს შეთავაზებული პირობები არ აკმაყოფილებს, იტყობინება Sport.es.

ცნობილი ესპანური გამოცემის თანახმად, რადგანაც 18 წლის ესპანელი უარზეა, კატალონიური გრანდი მზად არის მას 15 მილიონ ევროდ შეელიოს.

იმ შემთხვევაში, თუ მორიბა "ლურჯ-ბროწეულისფერთა" პირობებს არ დათანხმდება, თავად მოუწევს ახალი გუნდის მოძებნა. 

უნდა აღინიშნოს ისიც, რომ დაინტერესებული კლუბები მორიბას სანაცვლოდ 5 მილიონზე მეტის გადახდას არ აპირებენ.

აქამდე გავრცელებული ინფორმაციით, "ბარსამ" ახალგაზრდა ფეხბურთელს წლიურად 2,5-მილიონიანი ხელფასი შესთავაზა, მას კი 3 მილიონის გამომუშავება სურს.

ინტერესს არაერთი კლუბი იჩენს — ბარსელონა კლუბის ერთ-ერთ მთავარ აღმოჩენას მიზერულ თანხად ყიდის