ავტორიზაცია
"საშინელი სიტუაციაა, ფული მთავარი არ არის", - კუმანი ბარსელონაში მორიბას მომავალზე
"ბარსელონას" მთავარმა მწვრთნელმა, რონალდ კუმანმა კატალონიურ გრანდში ნახევარმცველ ილაიშ მორიბას მომავალზე კომენტარი გააკეთა.
"რამდენიმე კვირის წინ ვესაუბრე. მაგრამ ეს უფრო პირადი საუბარი იყო, ვიდრე "ბარსელონას" მწვრთნელის ფეხბურთელთან ლაპარაკი. ვფიქრობ, საშინელი სიტუაციაა, ის მხოლოდ 18 წლის არის".
"შეეძლო პირველ გუნდში ეთამაშა. ვიცი, რისი შეთავაზება სურს "ბარსელონას" მისთვის. ჩემი რჩევა ასეთია: ფული მთავარი არ არის", - ციტირებს კუმანის სიტყვებს Marca.
აქამდე გავრცელებული ინფორმაციით, ესპანელ ნახევარმცველს "ბარსაში" წლიურად 3 მილიონი ევროს მიღება სურს, კლუბი კი 2,5 მილიონს სთავაზობს. ამის გამო, ფეხბურთელი "ლურჯ-ბროწეულისფრებთან" ახალი ხელშეკრულების გაფორმებაზე უარს აცხადებს.
