ავტორიზაცია
VIDEO: ლუკაკუს სადებიუტო გოლი — ჩელსიმ ლონდონურ დერბიში სტუმრად არსენალი დაამარცხა
ინგლისის ჩემპიონატის 2021/22 წლების სეზონის გათამაშების მეორე ტურის ეგიდით, "არსენალმა" შინაურ კედლებში "ჩელსის" უმასპინძლა.
აღნიშნული დაპირისპირება "ემირეიტსზე" გაიმართა და "არისტოკრატთა" გამარჯვებით დასრულდა - 0:2.
ანგარიში მე-15 წუთზე გაიხსნა - რის ჯეიმსის გადაცემის შემდეგ თავი რომელუ ლუკაკუმ გამოიჩინა, რომელიც "ჩელსიში" ამ ზაფხულს დაბრუნდა და სადებიუტო გოლიც შეაგდო.
ტომას ტუხელის შეგირდების უპირატესობა 35-ე წუთზე ჯეიმსმა გაზარდა, რომელმაც ასისტს გოლი მოაყოლა და საბოლოო შედეგი დააფიქსირა.
მომდევნო შეხვედრას "ჩელსი" 28 აგვისტოს, "ლივერპულთან" სტუმრად გამართავს. თავის მხრივ, "არსენალი" იმავე დღესვე "მანჩესტერ სიტის" ესტუმრება.
ვიდეომიმოხილვა
