"ამ ზაფხულს ტოტენჰემში ვრჩები", - ჰარი კეინი საკუთარ მომავალზე ოფიციალურ განცხადებას ავრცელებს

ლონდონის „ტოტენჰემის“ ლიდერმა, ჰარი კეინმა, საკუთარ მომავალზე განცხადება ღიად დაადასტურა.

ინგლისელი ფეხბურთელი „ტვიტერში“ ოფიციალურ განცხადებას ავრცელებს:

„კვირას, „ტოტენჰემის“ გულშემატკივართა მხარდაჭერა წარმოუდგენელი სანახავი იყო. ასევე, ძალიან ბევრი მხარდაჭერის შეტყობინებაც მივიღე ბოლო კვირებში.

ამ ზაფხულს „ტოტენჰემში“ დავრჩები და კლუბის წარმატებაზე 100%-ით ვიქნები კონცენტრირებული.“ - წერს კეინი სოციალურ ქსელში.

ინგლისის ნაკრების 9-ანის შეძენით „მანჩესტერ სიტი“ ინტერესდებოდა, რომელმაც „ტოტენჰემს“ ორი სხვადასხვა შემოთავაზებით მიმართა, მაგრამ ორივეჯერ უარი მიიღო.

კეინი გუნდიდან გაშვებას აქტიურად ითხოვდა - შვებულების შემდეგ ვარჯიში გვიანაც კი განაახლა და წასვლა სურდა, თუმცა პრეზიდენტი შეუვალი აღმოჩნდა.
 

ჰარი კეინის სატრანსფერო საგა პრაქტიკულად დასრულებულია