ოფიციალურად: კრიშტიანუ რონალდუ მანჩესტერ იუნაიტედში დაბრუნდა!

"იუვენტუსის" აწ უკვე ყოფილი თავდამსხმელი, კრიშტიანუ რონალდუ "მანჩესტერ იუნაიტედში" გადავიდა.

36 წლის პორტუგალიელმა "ეშმაკუნებთან" 2023 წლის ზაფხულამდე გათვლილ კონტრაქტს მოაწერა ხელი. ტრანსფერი მანიკუნიანელებს 25 მილიონი ევრო (21,4 მლნ ფუნტი) დაუჯდათ.

აქამდე გავრცელებული ინფორმაციით, რონალდუ მანიკუნიანელთა რიგებში წლიურად 25 მილიონ ფუნტს გამოიმუშავებს ხელფასის სახით.

შეგახსენებთ, კრიშტიანუ "ემიუს" ღირსებას 2003 წლიდან 2009 წლამდეც იცავდა, შემდეგ "რეალში" (2009-2018) გადავიდა, მადრიდიდან კი - "იუვენტუსში".

"იუნაიტედის" რიგებში გამოცდილ სუპერვარსკვლავს პრემიერ ლიგა 3-ჯერ, ინგლისის ლიგის თასი 2-ჯერ, ქვეყნის თასი კი ერთხელ აქვს მოგებული.

აგრეთვე, რონალდუ 2008 წელს მანჩესტერელებთან ერთად ჩემპიონთა ლიგისა და მსოფლიოს საკლუბო ჩემპიონატის გამარჯვებული გახდა.

რა თანხას უხდის მანჩესტერ იუნაიტედი იუვენტუსს რონალდუს სანაცვლოდ?