რუნიმ მანჩესტერ იუნაიტედში რონალდუს დაბრუნებაზე განცხადება გააკეთა
"მანჩესტერ იუნაიტედის" ყოფილმა თავდამსხმელმა, ამჟამად კი "დერბი ქაუნთის" მთავარმა მწვრთნელმა, უეინ რუნიმ "ეშმაკუნების" რიგებში კრიშტიანუ რონალდუს დაბრუნებაზე ისაუბრა.
"გულშემატკივრებისთვის გუნდში რონალდუს ხილვა სასიამოვნო იქნება. ეს მნიშვნელოვანია გასახდელში მისი თანაგუნდელებისთვის და ახალგაზრდა ბიჭებისთვისაც", - აცხადებს ვეტერანი ინგლისელი.
"მეისონ გრინვუდი და მარკუს რეშფორდი მისი მატჩების ყურებისას გაიზარდნენ. შესანიშნავად დაეხმარება მათ, კლუბში სწორ ფსიქოლოგიას მოიტანს".
"რონალდუ ჯერ კიდევ მსოფლიოს ერთ-ერთი საუკეთესო ფეხბურთელად რჩება. ვფიქრობ, ბრწყინვალე ტრანსფერია", - ციტირებს რუნის სიტყვებს TalkSPORT.
"მანჩესტერ იუნაიტედმა" 36 წლის პორტუგალიელი სუპერვარსკვლავის დაბრუნება 27 აგვისტოს დაადასტურა. რონალდუ "ემიუში" 2003 წლიდან 2009 წლამდეც ასპარეზობდა. პრემიერ ლიგაში მას 196 მატჩი აქვს ჩატარებული, 84 გოლი გატანილი და 34 შედეგიანი გადაცემა გაკეთებული.
