ავტორიზაცია
რამდენი გამომწერი დაკარგა იუვეს ოფიციალურმა გვერდმა რონალდუს წასვლის შემდეგ?
„იუვენტუსის“ ოფიციალური ექაუნთი გუნდიდან კრიშტიანუ რონალდუს წასვლის შემდეგ გამომწერებს კარგავს.
ჟურნალისტი ტანკრედი პალმიერი „ტვიტერში“ წერს, რომ 27 აგვისტოს პორტუგალიელის „მანჩესტერ იუნაიტედში“ ოფიციალურად გადასვლის შემდეგ, „იუვეს“ გვერდმა 200 ათასი გამომწერი დაკარგა.
თავდაპირველად, პორტუგალიელ ფეხბურთელს აქტიურად უკავშირებდნენ „მანჩესტერ სიტის“, სადაც გადასვლასთან ის ახლოს იყო, თუმცა შემდეგ საქმეში სერ ალექს ფერგიუსონი ჩაერთო, რომელმაც თავის ექს-შეგირდს დაურეკა და „იუნაიტედში“ დაბრუნებაზე დაიყოლია.
„იუვეს“ რიგებში კრიშტიანუ 2018 წლიდან ასპარეზობდა და ამ პერიოდში ორჯერ მოახერხა სერია ა-ს მოგება, ერთხელ კი, არასაჩემპიონო სეზონში ტურნირის საუკეთესო ბომბარდირიც გახდა.
