ავტორიზაცია
ლუკ შოუმ მანჩესტერ იუნაიტედში კრიშტიანუ რონალდუს დაბრუნება შეაფასა
"მანჩესტერ იუნაიტედის" მცველმა, ლუკ შოუმ გუნდში თავდამსხმელ კრიშტიანუ რონალდუს დაბრუნებაზე განცხადება გააკეთა.
"ვფიქრობ, ეს სერიოზულად გააძლიერებს გუნდს, როგორც შიგნიდან, ისევე გარედან. პოზიტიური მომენტია, ცხადია".
"რონალდუ მსოფლიოს ერთ-ერთი საუკეთესო ფეხბურთელია. გუნდში ყველა აღფრთოვანებულია მისი მოსვლით".
"მოხარულები ვართ, რომ გვაქვს შესაძლებლობა არა მხოლოდ ვისწავლოთ კრიშტიანუსგან, არამედ მასთან ერთად ვითამაშოთ კიდეც", - ციტირებს შოუს სიტყვებს კლუბის ოფიციალური საიტი.
36 წლის პორტუგალიელი სუპერვარსკვლავის "იუვენტუსიდან" "ემიუში" ტრანსფერი 27 აგვისტოს ოფიციალურად დადასტურდა. "ეშმაკუნების" რიგებში რონალდუმ პრემიერ ლიგა 3-ჯერ მოიგო, აგრეთვე ქვეყნის თასის, ჩემპიონთა ლიგისა და მსოფლიოს საკლუბო ჩემპიონატის ტიტულებსაც დაეუფლა.
