ავტორიზაცია
მანჩესტერ იუნაიტედის ფეხბურთელი, რომელიც შესაძლოა რონალდუს ტრანსფერს შეეწიროს
"მანჩესტერ იუნაიტედის" შემტევმა ნახევარმცველმა, დენიელ ჯეიმსმა მიმდინარე სატრანსფერო ფანჯრის დახურვამდე შესაძლოა გუნდი იჯარით დატოვოს, იტყობინება Sky Sports.
როგორც აღინიშნება, "ეშმაკუნების" რიგებში თავდამსხმელ კრიშტიანუ რონალდუს ტრანსფერის შემდეგ, 23 წლის უელსელს სათამაშო დრო საგრძნობლად შეუმცირდება.
ავტორიტეტული გამოცემის თანახმად, ჯეიმსის ხელში ჩაგდებით პრემიერ ლიგის რამდენიმე კლუბია დაინტერესებული, მათ შორის - "ლიდს იუნაიტედი".
გასულ სეზონში "ემიუს" შემტევმა პრემიერ ლიგაში 15 მატჩი ჩაატარა, 3 გოლი გაიტანა და ერთი შედეგიანი გადაცემა ჩაიწერა საკუთარ აქტივში.
