ანტუან გრიზმანის ტრანსფერი ბარსელონადან ატლეტიკოში ჩაიშალა?!
ესპანური რადიოგადაცემა Cadena SER-ის ინფორმაციით, „ბარსელონამ“ და „ატლეტიკო მადრიდმა“ ანტუან გრიზმანის ტრანსფერის საბოლოოდ დახურვა დროში ვერ მოასწრეს.
სატრანსფერო ფანჯარა ოფიციალურად თბილისის დროით 02:00 საათზე დაიხურა და როგორც ზემოთხსენებული წყარო ამბობს, კლუბებმა საბუთების დროულად გადაგზავნა ვერ მოასწრეს, რის გამოც გრიზმანს „ბარსელონაში“ მოუწევს დარჩენა.
ჯერჯერობით, ეს ინფორმაცია სხვა გამოცემებს არ დაუდასტურებიათ, მაგრამ Cadena SER პოპულარობით სარგებლობს და საკმაოდ გავლენიანი ინსაიდერია.
ანალოგიური რისკის ქვეშ დგას საულის „ჩელსიში“ გადასვლაც, თუმცა მას განხორციელების უფრო მეტი შანსი აქვს, რადგან ამავე გამოცემის ინფორმაციით, საბუთების საზღვარგარეთიდან დარეგისტირება განსხვავებულად ხდება და შეიძლება, მისი დახურვა მოასწროს.
გრიზმანს კი „ბარსაში“ დარჩენა მოუწევს, უდიდესი ალბათობით...
