ავტორიზაცია
ოფიციალურად: რონალდუ მანჩესტერ იუნაიტედში 7-ნომრიანი მაისურით ითამაშებს!
ცნობილი გახდა, თუ რა ნომრით იასპარეზებს თავდამსხმელი, კრიშტიანუ რონალდუ "მანჩესტერ იუნაიტედის" რიგებში.
ასე და ამგვარად, 36 წლის პორტუგალიელი სუპერვარსკვლავის მაისურს 7 ნომერი დაამშვენებს. აქამდე, "ეშმაკუნების" ღირსებას ამ ნომრით ურუგვაელი ფორვარდი, ედინსონ კავანი იცავდა.
მოგეხსენებათ, კარიერის დიდი ნაწილი რონალდუს 7-ნომრიანი მაისურით აქვს გატარებული. 2003/04 წლების სეზონში შვიდიანი მას "ემიუში" ერგო. "რეალში" გადასვლის შემდეგ, კრიშტიანუმ 9-ანი აიღო, 2010/11 წლების სეზონში კი კვლავ შვიდიანი დაისაკუთრა და მთელი ეს წლები ამ ნომრით ასპარეზობდა.
პორტუგალიის ეროვნულ ნაკრებში კრიშტიანუს 7, 10 და 17 ნომრებით უთამაშია.
მოგეხსენებათ, რონალდუ "მანჩესტერ იუნაიტედში" გასულ ზაფხულს ტურინის "იუვენტუსიდან" დაბრუნდა.
