"ასეთი ფენომენი ფეხბურთს ჯერ არ ჰყოლია", - ხაბიბმა მესისა და რონალდუს შორის არჩევანი გააკეთა
მსუბუქ წონით კატეგორიაში UFC-ის ყოფილმა ჩემპიონმა, ხაბიბ ნურმაგომედოვმა იმის შესახებ ისაუბრა, თუ რატომ მიიჩნევს კრიშტიანუ რონალდუს ლიონელ მესიზე დიდ ფეხბურთელად.
— ფიქრობთ, რომ რონალდუ მესიზე მაგარია?
— დიახ, ასე ვფიქრობ.
— და რატომ?
— მესიც ძალიან კარგად თამაშობს - ისტორიაში ერთ-ერთი საუკეთესოა. ჩემი აზრით, თამაშში დაახლოებით თანაბრები არიან. თუმცა, კრიშტიანუს უფრო მეტი ქარიზმა აქვს.
— ვფიქრობ, მესი დაახლოებით 12 წელია პიკშია, კრიშტიანუ კი - 17. შეგიძლიათ სხვადასხვა გზით იმსჯელოთ. არიან ადამიანები, რომლებიც მესისა და რონალდუს, "რეალსა" და "ბარსას", მერსედესსა და ბმვ-ს ადარებენ. ჩემი პირადი აზრით, კრიშტიანუ უფრო მაგარია. ასეთი ფენომენი ფეხბურთს ჯერ არ ჰყოლია.
შეგახსენებთ, გასულ ზაფხულს 34 წლის არგენტინელი სუპერვარსკვლავი "ბარსელონადან" "პსჟ"-ში გადავიდა, 36 წლის პორტუგალიელი კი "იუვენტუსიდან" "მანჩესტერ იუნაიტედში" ჩაირიცხა.
