ავტორიზაცია
მალდინი: "მილანის ახალგაზრდა ფეხბურთელები ჟირუსგან ბევრს ისწავლიან"
"მილანის" დირექტორმა, პაოლო მალდინიმ კლუბის ახალწვეული თავდამსხმელის, ოლივიე ჟირუს შესახებ საკმაოდ საინტერესო განცხადება გააკეთა:
"მილანს მიმდინარე სეზონში რამდენიმე ახალგაზრდა ფეხბურთელი ეყოლება. ოლივიე ჩემპიონია, ჩემპიონთა ლიგის გამარჯვებული. საიმედო მოთამაშეა და შეუძლია ახალგაზრდა გუნდს გამოცდილება გაუზიაროს", - თქვა მალდინიმ DAZN-სთან ეთერში.
როგორც აქამდე გახდა ცნობილი, 35 წლის ფრანგმა "როსონერისთან" 1+1 სქემით გააფორმა კონტრაქტი. ოლივიემ უკვე მოასწრო "მილანში" ორ შეხვედრაში ორი გოლის გატანა.
აქვე დავამატებთ, რომ სერია ა-ში გადმოსვლამდე, ჟირუ თამაშობდა ლონდონის "ჩელსიში", რომლის შემადგენლობაში მან გასულ სეზონში ჩემპიონთა ლიგა მოიგო.
