ავტორიზაცია
რონალდუ: "სოლსკიაერზე ზეწოლას მოვახდენ, რათა სასტარტო შემადგენლობაში დამაყენოს"
"მანჩესტერ იუნაიტედის" თავდამსხმელ კრიშტიანუ რონალდუს განცხადებით, სურს მოედანზე რეგულარულად გავიდეს.
"არასოდეს მიფიქრია, რომ დავბრუნდებოდი, მაგრამ ეს მოხდა და მიხარია. აღფრთოვანებული ვარ, ძალიან მინდა რაც შეიძლება უკეთესად ასპარეზობა დავიწყო".
"ძალიან ბედნიერი ვარ, ისევე, როგორც ჩემი ოჯახი. რა თქმა უნდა, შაბათს ვინერვიულებ, მაგრამ ახლა უფრო გამოცდილი ვარ, უფრო ასაკოვანი. მზად ვიქნები".
"სოლსკიაერზე ზეწოლას მოვახდენ, რათა სასტარტო შემადგენლობაში დამაყენოს. სათამაშოდ მზად ვარ!", - ციტირებს რონალდუს სიტყვებს "ეშმაკუნების" პრესსამსახური.
შეგახსენებთ, "მანჩესტერ იუნაიტედში" გატარებული 6 სეზონის მანძილზე 36 წლის პორტუგალიელს საერთო ჯამში 292 მატჩი აქვს ჩატარებული, 118 გოლი გატანილი და 10 ტიტული მოგებული.
