პოჩეტინო: "ჩემპიონთა ლიგის მატჩის წინ ეს გამარჯვება თავდაჯერებას გვმატებს"

„პარი სენ ჟერმენის“ მთავარმა მწვრთნელმა მაურისიო პოჩეტინომ, „კლერმონთან“ მოპოვებული გამარჯვება (4:0) შეაფასა.

„მიმაჩნია, რომ ეს კარგი თამაში იყო, ძალიან პროფესიონალური. მიხარია და მგონია, რომ ეს სამი ქულა ჩვენთვის მნიშვნელოვანი იყო. 

„კლერმონისნაირი“ კარგი გუნდის წინააღმდეგ მოპოვებული სამი ქულა თავდაჯერებას გვაძლევს ჩემპიონთა ლიგის უახლოესი მატჩის წინ. დღეს ნატანის, ნუნოს და ჯიჯიოს დებიუტი შედგა, ამიტომ მგონია, რომ თავდაჯერების მოპოვება აუცილებელია. 

ეს ფეხბურთელები გუნდს დაეხმარებიან იმის მიღწევაში, რაც ჩვენ გვსურს.“ - ციტირებს პოჩეტინოს სიტყვებს კლუბის პრესსამსახური.

5 ტურის შემდეგ პსჟ 15 ქულით ლიგა 1-ს ცხრილს ერთპიროვნულად ლიდერობს.

ჩემპიონთა ლიგის ჯგუფური ეტაპის პირველ მატჩში „პსჟ“ 15 სექტემბერს სტუმრად „ბრიუგეს“ დაუპირისპირდება.

პოჩეტინო: "მბაპეს პსჟ ძალიან უყვარს"