ავტორიზაცია
ნაპოლისთან მარცხის შემდეგ, ნედვედმა იუვენტუსში დიბალას მომავალზე ისაუბრა
"იუვენტუსის" ვიცე-პრეზიდენტი, პაველ ნედვედი იტალიის ჩემპიონატის მესამე ტურში "ნაპოლისთან" (1:2) განცდილი მარცხის შემდეგ ჟურნალისტებს ესაუბრა.
"რთული მატჩი იყო. არ გვინდა ჩვენს სათამაშო პრინციპებზე უარი ვთქვათ. ჯერ მესამე ტურია", - ციტირებს ფუნქციონერის სიტყვებს DAZN.
"მხოლოდ ახალგაზრდა გუნდი არ გვყავს, ეს კოლექტივი ახალია. ამ შემადგენლობას დიდი პერსპექტივები აქვს".
"ამ დროისთვის პაულო დიბალასთან კონტრაქტის გახანგრძლივების შესაძლებლობას განვიხილავთ. დარწმუნებულები ვართ, რომ უახლოეს დღეებში ხელშეკრულებას გავაფორმებთ", - დასძინა ნედვედმა.
შეგახსენებთ, სერია ა-ს 2021/22 წლების სეზონის გათამაშებაში "ბებერი ქალბატონი" სატურნირო ცხრილში ერთი ქულით მე-16 ადგილს იკავებს.
