რონალდუს წასვლის შემდეგ, კიელინიმ იუვენტუსის ახალი ლიდერი დაასახელა
"იუვენტუსის" მცველმა, ჯორჯო კიელინიმ კრიშტიანუ რონალდუს წასვლის შემდეგ გუნდის ახალი ლიდერი დაასახელა.
"როცა თქვენს რიგებში მსოფლიო დონის ფეხბურთელი თამაშობს, ისეთი, როგორიც კრიშტიანუა, შეუძლებელია გუნდმა მასზე არ იმუშაოს. რონალდუს მადლობა უნდა გადავუხადოთ იმ ყველაფრისთვის, რაც ამ წლებში "იუვეში" გააკეთა. მაგრამ ახლა წინსვლას ვაგრძელებთ".
"დიბალას გუნდი იქნება. რონალდუს ყოფნის გამო მისმა შედეგიანობამ იკლო, მაგრამ ჩვენი გუნდის წამყვანი ფეხბურთელია და ამით ყველაფერი ნათელია", - ციტირებს "ბებერი ქალბატონის" კაპიტნის სიტყვებს Football Italia.
გასულ სეზონში დიბალამ "იუვენტუსის" მაისურით 26 მატჩში მიიღო მონაწილეობა, 5 გოლი გაიტანა და 3 შედეგიანი გადაცემა გააკეთა.
ცნობისთვის, 27 წლის არგენტინელ ფეხბურთელს "ბებერ ქალბატონთან" მოქმედი ხელშეკრულების ვადა 2022 წლის ზაფხულში ეწურება.
