იუვენტუსის ვეტერანი: "იუნაიტედში რონალდუმ პირველივე მატჩში გააკეთა ის, რაზეც ჩვენთან კატეგორიულ უარს აცხადებდა"

„იუვენტუსის“ ექს-ნახევარმცველმა, ჯანკარლო მაროკიმ რონალდუს „მან.იუნაიტედში“ შემდგარ დებიუტზე ისაუბრა.

ეს მატჩი პორტუგალიელმა ცენტრ-ფორვარდის პოზიციაზე დაიწყო და დუბლი მიითვალა.

„შევამჩნიე, რომ „ნიუკასლთან“ მატჩში რონალდუ ცენტრალური თავდამსხმელის პოზიციაზე თამაშობდა.

ეს ის არის, რაზეც ის „იუვენტუსში“ მუდმივად უარს აცხადებდა.“ - ციტირებს მაროკის სიტყვებს Sky Sports.

რონალდუს საყვარელი პოზიცია შეტეევის მარცხენა ფლანგია, რომელზეც მას კარიერის უდიდესი ნაწილი აქვს გატარებული.

პორტუგალიელი სუპერვარსკვლავი „მანჩესტერ იუნაიტედში" გასულ თვეში 12-წლიანი პაუზის შემდეგ დაბრუნდა - ამ 12 წლიდან რონალდუმ 9 მადრიდის „რეალში" გაატარა, 3 კი - „იუვენტუსში". 

"რონალდუს იუნაიტედში გადასვლა არ გამხარებია! არის თუ არა ის კარგი ფეხბურთელი? სამწუხაროდ კი", - კლოპი